Simba Sc Vs Wydad Moto Utawaka

Klabu ya Simba sc itavaana na klabu ya Wydad Casablanca katika hatua ya robo fainali ya michuano ya kombe la klabu bingwa barani Afrika kwa mujibu wa droo iliyopangwa na shirikisho la soka barani Afrika (CAF).

Simba sc itakua na kibarua kigumu ikianzia nyumbani katika uwanja wa Benjamini Mkapa kisha ugenini nchini Morroco katika mchezo wa marudiano ikizingatiwa kwamba imekua na matokeo yasiyorodhisha inapokua ugenini katika michuano hiyo.

Simba sc iliyomaliza katika nafasi ya pili ya kundi D katika hatua ya makundi ikitanguliwa na Raja Casablanca iliyofuzu kwa kishindo itakutana na wababe hao wa kaskazini ambapo ikifanikiwa kufuzu hatua hiyo basi itakuna na Mamelod Sundowns ama CR Belouzdad.

“Ni lazima tukiri kuwa tumepata mpinzani mgumu kwenye hatua ya Robo Fainali na pengine ni mpinzani mgumu zaidi tangu tuanze kushiriki hatua hii
Hapa unamzungumzia bingwa mtetezi, unamzungumzia mshiriki wa Club world Cup, unazungumzia timu yenye wachezaji waliotoka nusu fainali ya kombe la dunia,Huu ni mlima mrefu kwetu lakini hatuna budi kuupanda na kufika kileleni Ili uwe mkubwa Afrika ni lazima uwafunge wakubwa wa bara hili”.Aliandika Meneja mawasiliano wa klabu ya Simba sc katika mtandao wake wa Instagram kuhusu mchezo huo.