Simba Sc Bingwa Muungano Cup 2024

Klabu ya Simba sc imefanikiwa kuibuka mabingwa wa kombe la Muungano baada ya kuifunga Azam Fc 1-0 katika mchezo wa fainali uliofanyika katika uwanja wa Amani Complex uliopo mjini Unguja Visiwani humo.

Pamoja na Azam Fc kushambulia mara kwa mara lakini ni Simba sc iliofanikiwa kupata bao dakika ya 77 ya mchezo likifungwa kwa kichwa na kiungo Babacar Sarr akiunganisha mpira wa faulo iliyopigwa na Mohamed Hussein kufuatia Willy Esomba Onana kuangushwa na Lusajo Mwaikenda.

Simba sc ilipaswa kuibuka na ushindi mnono lakini kukosa umakini kwa Fredy Michael kuliwatatiza ambapo alikosa mabao ya wazi sambamba na Onana aliyekosa nafasi kadhaa za dhahabu.

Michuano ya Muungano imerejea rasmi mwaka huu baada ya kusimama kwa miaka mingi ambapo zamani michuano hiyo ilikua ni yenye msisimuka wa hali ya juu na mwaka huu umeshirikisha timu nne za Simba sc na Azam Fc kutoka Tanzania bara huku Kmkm na Kvz kutoka Visiwani Zanzibar.