Simba Kuivaa Ndanda Fc Leo

Kikosi cha Simba kipo tayari kuvaana na Ndanda Fc inayoshiriki ligi daraja la kwanza leo Octoba 13,katika uwanja wa Azam Complex uliopo Chamazi jijini Dar-es-salaam.

Mchezo huo utakaochezwa majira ya saa 11:00 jioni huku kiingilio kwa mzunguko ni buku saba (7,000) unawaandaa Simba ambao ni mabingwa watetezi wa ligi kuu bara kwenye mchezo wa raundi ya sita wa ligi dhidi ya Tanzania Prisons utakaochezwa Oktoba 22, Uwanja wa Nelson Mandela.

Ofisa habari wa Simba Sc,  Haji Manara amewaomba mashabiki kujitokeza kwa wingi Azam Complex ili waje kuona burudani nzuri itakayowapatia matokeo chanza kutoka kwa wachezaji wao.

“Hatuchezi tu ilimradi tunacheza bali tunacheza na kutoa burudani ,Simba ni timu ambayo inakupa burudani na kukupa matokeo, mashabiki mjitokeze kwa wingi kuipa sapoti timu,” alisema Manara.