Staa wa klabu ya Manchester United Cristiano Ronaldo amefunguka mambo mazito wakati akizungumza na mwandishi wa habari Piers Morgan ambapo alifunguka kwa umdani kuhusu maisha yake ndani ya klabu hiyo huku akiwatuhumu kocha Erick Ten Hag na staa Wayne Rooney kuwa hawamuheshimu.
Katika mazungumzo hayo yaliyosambaa kwa njia ya video staa huyo amefunguka kuhusu mfumo mbovu wa uongozi katika klabu hiyo tangu aondoke Sir Alex Ferguson miaka 10 iliyopita.Katika kauli zake ambazo zimekua gumzo duniani ni zifuatazo
“Manchester United walinilazimisha niondoke. Sio tu kocha bali watu wengi wanayoizunguka hii club, nahisi kama nimesalitiwa na club na nahisi kuna watu hawakutaka nirudi Manchester United, na siyo mwaka huu pekee bali hata msimu uliopita”
“Sina heshima kwa Erik Ten Hag kwasababu hata yeye haniheshimu”
“Hakuna kilichobadilika hapa tangu Sir Alex aondoke, Unamfuta kazi Ole halafu unamuajiri Ralf Rangnick kwa Mkurugenzi wa michezo mtu ambaye hata sio kocha. Gym ni ile ile hata jiko halijabadilika kila kitu ni cha zamani, inashangaza kwakweli”
“Nilipoamua kurejea Manchester United niliufuata moyo wangu. Sir Alex Ferguson aliniambia haiwezekani nijiunge na Manchester City na mimi nikamjibu ‘Ok Boss’.. Hivyo nikarejea lakini hakuna kilichobadilika. Maendeleo ni SIFURI”
Kauli hizo zimeonekana kuwashangaza waandishi wa habari na mashabiki wa klabu hiyo huku wengine wakisema aondoke kwa maana kiwango kimeisha na wengine wakikubaliana na maneno hayo kutokana na mwenendo wa klabu hiyo kwa sasa.
