Refa Katili Kuamua Hatma ya Simba sc

Klabu ya Simba sc itakutana na Refa mwenye historia mbaya na klabu hiyo katika mchezo wa marudiano ligi ya mabingwa hatua ya pili dhidi ya Premero De Augusto anayeitwa  Abongile Tom kutoka Afrika Kusini Jumapili ijayo katika Uwanja wa Benjamin Mkapa jijini Dar es salaam kuanzia saa 10:00 jioni.

Abongile mwenye umri wa miaka 30, ndiye alichezesha mechi ya marudiano ya raundi ya pili ya mashindano hayo Oktoba 24, 2021, ambayo Simba ilipoteza nyumbani kwa mabao 3-1 dhidi ya Jwaneng Galaxy na kushindwa kufuzu katika hatua ya makundi ya ligi ya mabingwa msimu uliopita licha ya kupata matokeo yanayoridhisha hapa nchini.

Simba inapaswa kuwa makini sana na refa huyo kwani amekuwa na historia ya kumwaga kadi katika michezo anayochezesha hali inayowalazimu wachezaji kuwa makini ili kutopata kadi na kuathiri mbinu za mchezo.

Simba sc itawavaa De Augosto ikiwa na mtaji mzuri wa mabao matatu ambayo iliyapata ugenini hivi kuhitaji ushindi ama sare ya aina yeyote ama kufungwa zaidi ya mabao matatu kwa bila ili waangola hao wafuzu hatua inayofuatia.