Raja Watua Kuivaa Simba sc

Klabu ya Raja Casablanca imetua nchini ikiwa na mastaa wake tayari kuivaa klabu ya Simba sc katika mchezo wa klaby bingwa barani Afrika utakaofanyika siku ya Jumamosi usiku katika uwanja wa Benjamini Mkapa jijini Dar es salaam.

Awali katika michezo ya kundi C ambalo lina timu za Simba sc,Raja Casablanca,Horoya Fc na Vipers,Raja iliipata ushindi wa mabao 5-0 huku Simba sc ikipoteza kwa 1-0 dhidi ya Horoya Fc ugenini nchini Guinnea.

Mchezo huo wa pili unatarajiwa kuwa mgumu na wa kusisimua kwani Simba sc inapaswa kupata alama zote tatu huku pia ikitakiwa kuendeleza rekodi yake ya kupata alama tatu katika uwanja wa Mkapa hasa katika michezo ya kimataifa ambapo kwa miaka ya hivi karibuni imekua haifungiki ikiwa uwanjani hapo.

Msafara wa Raja Casablanca umewasili mapema hivi leo na kupokelewa na wenyeji wapo Simba sc na moja kwa moja walielekea hotelini ambapo kesho watapata wasaa wa kufanya mazoezi katika uwanja huo wa Benjamini Mkapa kujiweka tayari kwa mchezo siku ya Jumamosi.