Ngoma Mchezaji Bora Mapinduzi

Kiungo wa Klabu ya Simba sc Fabrice Ngoma ametwaa tuzo ya mchezaji bora wa kombe la Mapinduzi licha ya klabu yake kukosa kombe baada ya kuruhusu kufungwa 1-0 na Mlandege katika fainali iliyofanyika katika uwanja wa Amani Visiwani Zanzibar.

Mchezaji huyo alikabidhiwa tuzo hiyo na Rais wa Serikali ya Mapinduzi ya Zanzibar Dk Hussein Mwinyi ambapo moja ya sababu ya kuwa mchezaji bora ni kuwa ameonyesha kiwango kikubwa katika michuano hiyo ambapo alifanikiwa kuchukua tuzo ya mchezaji bora wa mechi mara kadhaa.

Mchezaji huyo ni usajili uliozua gumzo nchini wakati anasajiliwa mwanzoni mwa msimu baada ya taarifa kusambaa kuwa aliibiwa uwanja wa ndege kutoka mikononi mwa Yanga sc ambapo mpaka sasa amefanikiwa kujihakikishia namba kikosini humo.