Mukwala aiokoa Simba sc

Mshambuliaji wa klabu ya Simba Sc Steven Mukwala ameisaidia klabu yake ya Simba Sc kuibuka na ushindi wa 1-0 katika mchezo wa ligi kuu ya Nbc nchini dhidi ya Klabu ya Mashujaa Fc mkoani Kigoma.

Mchezo huo uliofanyika katika uwanja wa Lake Tanganyika mkoani humo ilishuhudiwa Simba sc ikipata bao hilo dakika ya 90+7″ ya mchezo huo akiunganisha kwa kichwa kona iliyopigwa na Awesu Awesu.

Mashujaa Fc inabidi wajilaumu wenyewe kwa kuruhusu bao hilo dakika za mwishoni mwa mchezo huo kutokana na kucheza vizuri sana wakijitahidi kuzuia nafasi za Simba sc kupata bao.

Kocha Mkuu wa klabu ya Simba Sc Fadlu Davis aliwaanzisha pamoja viungo Fabrice Ngoma sambamba na Okejepha ili kuongeza nguvu safu ya kiungo ya Simba Sc ili kumilika mpira kwa nguvu.

Kutokana na ushindi huo sasa Simba Sc imefikisha jumla ya alama 22 ikiwa katika nafasi ya pili ya ligi kuu ya Nbc nchini.