Morrison,Mshery Kuikosa Tp Mazembe

Winga Benard Morrison ameachwa katika msafara wa mastaa wa klabu ya Yanga sc ambao wanaelekea nchini Congo Drc kwa ajili ya mchezo wa mwisho wa kundi D wa kombe la shirikisho dhidi ya Tp Mazembe ya nchini humo.

Yanga sc ambao kimsingi tayari wameshafuzu hatua ya robo fainali ya michuano hiyo ya pili kwa ukubwa kwa ngazi za vilabu barani Afrika wameondoka nchini mchana huu kuelekea katika mchezo huo utakaofanyika siku ya Jumapili jioni.

Pamoja na Morrison pia kipa Aboutwalib Mshery naye hayumo katika msafara huo akiendelea kujiuguza baada ya kufanyiwa upasuaji wa goti huku winga Dennis Nkane yeye akijumuishwa baada ya kupona majeraha ya nyonga.

Kuachwa kwa Morrison inatajwa kuwa ni kumpa muda zaidi wa kujiweka fiti baada ya kuwa nje kwa muda wa miezi miwili akijitibu majeraha ya nyonga.