Mauya Ajifunga Miwili Yanga sc

Kiungo Zawadi Mauya amesaini mkataba mpya wa miaka miwili kuendelea kusalia katika klabu ya Yanga sc baada ya ule wa awali kuelekea ukingoni mwishoni mwa msimu huu.

Mchezaji huyo anayecheza eneo la kiungo cha ukabaji amesaini mkataba huo jioni ya leo na kutambulishwa rasmi kupitia mitandao ya kijamii ya klabu hiyo yenye makao yake makuu mitaa ya Twiga na Jangwani kariakoo.

Pia Mauya aliposti picha kupitia mtandao wake wa kijamii wa instagram akisema kwa atakuwepo klabuni hapo kwa miaka mingine miwili zaidi mpaka mwaka 2024.

Mauya anakuwa mchezaji wa tatu kusainishwa mkataba klabuni hapo baada ya Kibwana Shomari na Bakari Nondo Mwamnyeto ambao wote wamesaini mikataba ya miaka miwili miwili.