Man Utd Majanga Tupu

Licha ya kuongoza kwa mabao 2-0 dhidi ya Tottenham mpaka kipindi cha kwanza lakini Manchester United imeshindwa kuvuna alama tatu na kulazimishwa sare ya 2-2 katika mchezo huo wa ligi kuu uliofanyika katika uwanja wa Tottenham mjini London.

Jadon Sancho aliipa United bao la uongozi dakika ya saba ya mchezo akimalizia kazi ya Marcus Rashford huku pia Rashford naye alipata pasi nzuri kutoka kwa Bruno Fernandes na kufanikiwa kufunga bao la pili ambalo lilidumu mpaka kipindi cha kwanza kinamalizika huku United wakikosa umakini zaidi kwani wangepata mabao zaidi ya hayo.

Kipindi cha pili Tottenham waliingia na nguvu mpya wakishambulia kwa nguvu na kufanikiwa kusawazisha mabao hayo kupitia kwa Pedro dakika ya 56 na Son dakika ya 79 na kuufanya mchezo kumalizika kwa 2-2.

Sasa Man united wamebaki katika nafasi ya nne ya msimamo wa Epl wakiwa na alama 60 nyuma ya Newcastle United kwa alama mbili huku Man utd wakiwa na mchezo mmoja mkononi na Arsenal yupo kileleni kwa alama 75 akimzidi Manchester city kwa alama 2 na michezo miwili.