Man Utd Majanga Tupu

Ni aibu baada ya klabu ya Manchester United kupoteza mchezo wa ligi kuu dhidi y Liverpool baada ya kukubali kichapo kikubwa cha kihistoria cha mabao 7-0 katika mchezo uliofanyika katika uwanja wa Anfield jijini Liverpool mbele ya maelfu ya mashabiki nchini humo.

Ilikua ni siku mbaya kazini kwa Man utd ambapo ilianza kuruhusu mabao mawili ndani ya dakika tano ambapo Cody Gakpo dakika ya 43 na Darwin Nunez dakika ya 47 ambapo kuingia kwa mabao hayo kuliwafungua Man united na hatimaye mvua ya mabao iliwaangukia kupitia kwa Gakpo dakika ya 50 huku Mo salah akifunga dakika za 66 na 83 na msumari wa mwisho ulifungwa na Roberto Firmino dakika ya 88.

Kutokana na kufungwa idadi kubwa hiyo ya magoli kocha wa Man united Eric Ten Hag alitoka kichwa chini huku akisema kuwa ni kosa la timu nzima kuruhusu idadi hiyo ya magoli hasa dhidi ya wapinzani wao wa jadi.

Manchester United pamoja na kipigo hicho imesalia katika nafasi ya tatu ya msimamo wa ligi kuu nchini humo huku Liverpool ikiwa katika nafasi ya tano ya msimamo ikiwa na alama 42.