Majeruhi Tatizo kwa Banda-Ahmed Ally

Meneja habari wa klabu ya Simba sc Ahmed Ally amesema kuwa majeraha ya mara kwa mara ni tatizo kwa kinda wa klabu hiyo Peter Banda licha ya kuwa na kiwango kikubwa kinachostahili hata kucheza ulaya.

Banda alisajiliwa na Simba sc misimu miwili iliyopita lakini amekua ni muhanga wa majeraha ya mara kwa mara tangu ajiunge na kikosi cha timu hiyo kiasi cha kutishia nafasi yake ya kubaki klabuni hapo msimu huu.

“Simba tuna bahati mbaya kutokufaidi kipaji cha Peter Banda, hata juzi aliumia Bega lakini amesharejea mazoezini”

“Kocha Pablo alivyokuja Simba tu alaivyomuona Banda alisema wazi Banda sio mchezaji wakucheza Afrika, ni kipaji cha kuwa Ulaya”.

Kauli hizo mbili zimetolewa na Meneja habari wa klabu hiyo Ahmed Ally wakati akizungumza na Radio ya Wasafi Fm katika kipindi cha michezo mapema hivi leo.

Banda ambaye wadau wengi wa soka nchini Malawi walishangazwa na uamuzi wake wa kuja Tanzania wakisisitiz kuwa alikua anapaswa kwenda ulaya lakini imekua bahati mbaya tangu atua nchini kwani ameshindwa kuwa na muendelezo wa kiwango kutokana na majeraha ya mara kwa mara.