Kibabage,Kakolanya Wawasili Stars

Mlinda lango wa klab ya Singida Fountain Gate  Beno David Kakolanya na beki wa kushoto wa klabu ya Yanga sc Nickson Kibabage wamewasili katika kambi ya timu ya Taifa ya Tanzania iliyopo nchini Tunisia kujiandaa na mchezo wa mwisho wa timu hiyo  dhidi ya timu ya Taifa ya Algeria.

Kibabage yeye ameongezwa kwenye Kikosi cha Stars na kocha mkuu Adel Amrouche huku kakolanya aliitwa muda mrefu ila alibakia kumalizia majukumu ya klabu yake ya Singida Fountain Gate  dhidi ya Tabora United uliomalizika kwa suluhu.

Stars ina kibarua kigumu katika mchezo huo ikihitaji alama moja pekee ili ifuzu michuano ya mataifa ya Afrika kwa mara ya tatu katika historia ya nchi.

Kocha Adel Amrouche tayari ana deni kwa watanzani ikizingatiwa wengi wamekua wakishangazwa na uteuzi wake wa kikosi akiwaacha mastaa kama Shomari Kapombe na Mohamed Hussein wa Simba sc.