Fei Toto Kuikosa Kagera Sugar

Kiungo wa klabu ya Yanga sc Feisal Salum anatarajiwa kuukosa mchezo wa ligi kuu dhidi ya Kagera Sugar kutokana na kuwa na kadi tatu za njano hivyo atapaswa kuukosa mchezo huo utakaofanyika siku ya Jumapili February 27 katika uwanja wa Benjamin Mkapa jijini Dar es salaam majira ya saa moja jioni.

Kukosekana kwa Feisal litakua pigo kubwa kwa Yanga sc huku ikiwa ni nafuu kwa Kagera Sugar kutokana na mchango wa kiungo huyo katika klabu ya Yanga sc msimu huu ambapo amefunga mara nne na kutoa pasi tatu za mabao huku akiwafunga Kagera sugar katika mchezo wa awamu ya kwanza katika uwanja wa Kaitaba mjini Bukoba.

Yanga sc yenye alama 39 juu ya msimamo wa ligi kuu nchini itakua na kibarua kigumu cha kusaka ushindi mbele ya Kagera sugar iliyokatika nafasi ya saba ya msimamo ikiwa na alama 20 huku zote zikiwa zimecheza michezo 15 jumla.