Azam Wampiga Teke Chura

Klabu ya Azam Fc imeendelea kuwarahisishia maisha wachezaji wake waliomaliza mikataba na klabu hiyo baada ya kutangaza kuwatema na nyota hao kusaini klabu zingine za ndani na nje ya nchi hivyo kuwafanya waondoke wakiwa huru na klabu hiyo kutopata chochote katika usajili huo.

Iko hivi,Hivi karibuni ilitangaza kutoendelea na nyota kadhaa na baadhi ya nyota hao tayari wameshamalizana na klabu nyingine hasa za nje ya nchi.Nyota hao ni Tafadzwa Kutinyu aliyetimkia Horoya fc ya Guinnea japo hii ilijulikana kabla Azam hawajatoa orodha rasmi ya nyota iliowatema.

Nyota mwingine ni Enock Atta Agyei ambae naye baada ya taarifa kutoka kuwa ametemwa na timu hiyo tayari taarifa imetoka kuwa amemalizana na timu hiyo ya Horoya Fc ya Guinnea kwa mkataba wa miaka mitano na kufanya idadi ya wachezaji waliosajiliwa na timu hiyo kutoka nchini kuwa watatu akiwepo na Heritier Makambo kutoka Yanga Sc.

Agyei anayecheza nafasi ya mshambuliaji wa pembeni(winga) au mshambuliaji wa pili(namba 10) alisajiliwa na klabu hiyo mwaka 2016 akitokea Medeama Fc ya ghana baada ya Azam kumuona katika michuano ya kombe la shirikisho barani Afrika(Caf).