Azam Fc Wajipanga Kupindua Meza

Baada ya kukubali kipigo cha mabao 2-1 kutoka kwa klabu ya Bahir Dar Kenema kikosi cha Azam Fc kimerejea nchini kujipanga kwa ajili ya kupindua meza ili kuingia hatua ya pili ya kombe la shirikisho nchini.

Katika mchezo huo wa awali ugenini Azam Fc ilikubali kichapo hicho huku ikiwa na faida ya kupata bao la ugenini dakika za mwishoni mwa mchezo likifungwa na Idriss Mbombo.

Mchezo wa marudiano unatarajiwa kufanyika jijini Dar es salaam katika uwanja wa Azam Complex Chamazi siku ya Julai 25 ambapo Azam Fc atakua mwenyeji wa mchezo huo.

Afisa habari wa klabu hiyo Hashim Ibwe aliandika katika mtandao wake wa kijamii wa Instagram “Asante sana Ilunga Idris Mbombo ..!!!!! 2-1 away sio mbaya japo tumepoteza..! Chamazi Patakuwa patamu na pazito kwao tunayo nafasi ya kushinda na kusonga mbele”.