Arsenal On Top

Klabu ya Arsenal imefanikiwa kuibuka na alama tatu katika ushindi wa 1-0 dhidi ya Chelsea katika mchezo wa ligi kuu nchini Uingereza uliofanyika katika uwanja wa Stamford Bridge na kufanikiwa kurudi kileleni mwa msimamo wa ligi hiyo maarufu ulimwenguni.

Licha ya watu wengi kuipa nafasi Chelsea kuibuka na alama tatu kutokana na kuwa katika uwanja wa nyumbani lakini bao la dakika ya 63 kutoka kwa Gabriel dos Santos Magalhães mchezaji raia wa Brazil akimalizia kazi nzuri ya Bukayo Saka na kuipeleka Arsenal kileleni mwa msimamo huku Manchester City ikishuka mpaka nafasi ya pili ikiwa na alama 32 pungufu ya alama 2 kuwafikia Arsenal kileleni mwa msimamo.

Licha ya kuibuka na ushindi pia Arsenal walifanikiwa kuonyesha mchezo mzuri wakipiga pasi 452 dhidi ya pasi 360 za wapinzani huku wakiwa na usahihi wa pasi kwa asilimia 82 dhidi ya 73 za Chelsea.