Argentina Yafuzu Fainali Wc

Timu ya Taifa ya Argentina imefanikiwa kufuzu kucheza hatua ya fainali ya kombe la dunia linaloendelea nchini Qatar baada ya kuifunga Crotia kwa mabao 3-0 katika mchezo uliofanyika katika uwanja wa Lusail wenye uwezo wa kuchukua mashabiki zaidi ya elfu 88 ambao walifurika uwanjani hapo.

Mabao ya Argentina yalifungwa na Lionel Messi dakika ya 34 kwa penati kisha Julian Alvarez alifunga kwa juhudi binafsi dakika ya 39 ya mchezo na kipindi cha pili dakika ya 69 Lionel Messi aliwachenga mabeki wa Crotia na kufanikiwa kumpasia Alvarez aliyefunga bao la tatu na kuwamaliza Crotia.

Katika ushindi huo Lionel Messi alifunga bao lake la 11 katika michuano aliyoshiriki ya kombe la dunia na kumpika Gabriel Batistuta kama mfungaji bora wa kombe la Dunia kwa taifa lake.

“Ninaweza kusema kupoteza mchezo wa kwanza ilikua pigo kwetu kwa sababu tulikua hatujafungwa katika michezo 36 mfululizo,Kuanza kama hivyo katika kombe la dunia ilikua pigo na hatukufikiria kama tutapoteza dhidi ya Saudi Arabia na ilikua ni shubiri kwetu lakini tumeonyesha jinsi tulivyo na nguvu”.