Mbappe Aikoa Psg

Ilibidi Psg kusubiri mpaka dakika ya mwisho ya mchezo ili kupata bao la uongozi dhidi ya Real Madrid katika mchezo wa hatua ya 16 bora ya kombe la klabu bingwa barani ulaya uliofanyika katika uwanja wa Parc des Princes jijini Paris.

Real madrid wakiwa chini ya kocha Carlo Ancelot walijitahidi kucheza kwa nidhamu wakiwazuia Kylian Mbappe,Angel di Maria na Lionel Messi waliokua mwiba mkali kwa viungo Casemiro na Toni Kroos huku kipa Courtous akiokoa mara mbili michomo ya Mbappe.

Mbappe aliangushwa na Carvajal na dakika ya 62 na mwamuzi kutoa pigo la penati kwa Psg lakini Lionel Messi alikosa penati hiyo iliyopanguliwa na kipa Thibaus Courtous.

Sasa Real madrid inabidi isubiri mpaka 9 mwezi machi kuweza kulipiza kisasi ili kupata nafasi ya kufuzu robo fainali ya michuano hiyo.