Fadlu Ajipanga Kumaliza Mchezo Nyumbani

Kocha Mkuu wa klabu ya Simba Sc Fadlu Davis amesema kuwa amejipanga kumaliza mchezo wa kufuzu hatua ya makundi ya kombe la Shirikisho barani Afrika dhidi Al ahly Tripol ya Libya katika mchezo wa marudiano utakaofanyika nchini wiki ijayo.

Fadlu na kikosi chake tayari wapo nchini Libya kwa ajili ya mchezo wa kwanza wa hatua ya pili ya michuano hiyo iliyochini ya Shirikisho la Soka barani Afrika (caf) utakaofanyika siku ya Jumapili nchini humo.

Fadlu anaamini kwamba timu yake itamaliza mchezo huo jijini Dar es Salaam wakati watakaporudiana na Walibya hao.

“Hii mechi utaimalizia nyumbani kwetu kwa hiyo tutacheza kwa kuwaheshimu Tripoli kwa kuwa ni timu kubwa na ina wachezaji wazuri lakini tunapambana tupate matokeo mazuri ambayo yatatusaidia katika mchezo wa nyumbani”.

Simba sc imepata nafasi ya kushiriki michuano ya kombe la Shirikisho barani Afrika baada ya kumaliza katika nafasi ya tatu katika ligi kuu ya soka ya Nbc nchini ambapo kutokana na kufanya vizuri miaka iliyopita katika michuano hiyo ikajikuta inaanzia hatua ya pili katika michuano hiyo.