Kisa Al Ahly,Simba Sc Yajichimbia Zanzibar

Klabu ya Simba Sc imeamua kuweka kambi maalumu ya maandalizi visiwani Zanzibar Kuiwinda Al Ahly katika mchezo ujao wa ligi ya mabingwa barani Afrika  utakaopigwa katika uwanja wa Benjamin Mkapa jijini Dar es salaam siku ya Ijumaa Machi 29.

Kikosi hicho cha Simba sc tayari kimeondoka jijini Dar es salaam mapema hii leo kikiwa na mastaa wake wengi wa kikosi cha kwanza isipkua Cletous Chama ambaye ameitwa katika timu ya Taifa ya Zambia na Mohamed Hussein,Aishi Manula,Kibu Dennis na Kennedy Juma ambao wameitwa katika timu ya Taifa ya Tanzania ambayo imesafiri nchini Azerbaijan kwa ajili ya michezo ya kirafiki ya Fifa.

Kambi hiyo ni mapendekezo ya kocha Abdelhack Benchika ambaye ametaka timu hiyo ijichimbie visiwani humo kwa ajili ya kambi hiyo ya siku takribani kumi kuwawinda Al Ahly katika mchezo huo wa hatua ya robo fainali ambao mpaka sasa umevuta hisia za mashabiki nchini.

Katika msafara huo mastaa kama Ayoub Lakred,Shomari Kapombe,Hussein Kazi,Babacar Sarr,Fabrice Ngoma na Pa Omar Jobe walikua ni sehemu ya msafara huo ambao umeondoka Dar es salaam kwa boti kuelekea visiwani humo.