Karia Amteua Hersi

Rais wa Shirikisho la mpira wa miguu nchini Tanzania (TFF), Wallace Karia amemteua Rais wa Klabu ya Yanga Eng.Hersi Rais kuwa mjumbe wa kamati ya maandalizi ya mashindano ya Mataifa ya Afrika (AFCON) na yale yanayojumuisha wachezaji wa ndani (CHAN) hapa nchini Tanzania.

Rais Karia amefanya uamuzi huo akiwa anahutubia kwenye mkutano mkuu wa mwaka wa TFF mkoani Iringa leo Jumamosi Desemba 16, 2023 alipokuwa akimpongeza Eng. Hersi kwa kuchaguliwa kuwa Mwenyekiti wa kwanza wa Chama cha Klabu za Soka barani Afrika 2023.

Tanzania inatarajiwa kuwa mwenyeji wa michuano ya mataifa ya Afrika mwaka 2027 ambapo itafanyika katika nchi tatu za Tanzania,Kenya na Uganda baada ya Shirikisho la soka barani Afrika kuridhia ombi hilo.

TFF kikiwa kama chombo kikuu cha usimamizi wa mpira wa miguu hapa nchini ndio kina wajibu wa kuhakikisha michuano hiyo inafanikiwa kwa ukubwa wake na ndio maana uteuzi wa watu wenye weledi na ushawishi wa masuala ya soka kama Hersi unafanyika.