Simba sc Yaifunga Mtibwa Sugar

Klabu ya Simba sc imefanikiwa kuibuka na alama tatu katika mchezo wa ligi kuu ya soka ya Nbc dhidi ya Mtibwa Sugar uliofanyika katika uwanja wa Manungu Complex ulioko Turiani mkoani Morogoro.

Katika mchezo huo ambao wenyeji Mtibwa Sugar walianzisha asilimia kubwa wa vijana wa takribani miaka 20 ulishuhudia upinzani mkali hususani kipindi cha kwanza hali iliyosababisha mpaka dakika ya 40 timu hizo kuwa na mabao mawili kila upande.

Simba sc walianza kupata bao la mapema zaidi dakika dakika ya 5′ likifungwa na Jean Baleke na dakika ya 9′ likifungwa na Andre Onana huku Mtibwa sugar wakiwastaajabisha mashabiki baada ya kusawazisha mabao hayo dakika za 22 na 27 kupitia kwa Matheo Anthony.

Dakika za mwishoni mwa kipindi cha kwanza Fabrice Ngoma alifunga bao la tatu kwa Simba sc na mpaka mapumziko matokeo yalikua 3-2 huku kipindi cha pili kocha Roberto Oliveira aliwaingiza Mzamiru Yassin na Saido Ntibanzokiza lakini bado Mtibwa Sugar waliendelea kuwa bora kwenye maeneo mengi ya uwanja.

Luis Miqquisone alimpasia Chama mpira mrefu nae akawazidi maarifa mabeki wa Mtibwa Sugar na kufunga bao la nne kwa Simba sc na mpaka mpira unamalizika Simba sc waliibuka na alama tatu na mabao manne huku Mtibwa Sugar wakibaki kujilaumu wenyewe kwa kushindwa kufunga licha ya kufika golini kwa Simba sc mara nyingi zaidi.