Simba sc Mikononi mwa Raja Casablanca

Klabu ya Simba sc imepangwa kundi moja na mabingwa mara tatu wa kombe la Klabu barani Afrika Raja Casablanca ya nchini Morocco katika droo ya makundi ya michuano hiyo iliyofanyika nchini Misri yalipo makao makuu ya shirikisho la soka barani Afrika(Caf).

Simba sc imepangwa katika group C ikiwa na timu za Raja Club Athletic (Morocco), Horoya AC (Guinea) Simba SC (Tanzania)  na Vipers SC (Uganda) ambapo Simba sc ataanzia ugenini nchini Guinea dhidi ya Horoya kati ya Februari 10 na 11 kisha atarejea nchini kuvaana na Raja Casablanca Februari 17 ama 18 na kisha atakwenda Uganda kuwavaa Vipers wiki moja mbele.

Simba sc itaendelea na kampeni yake ya kufika nusu fainali kama lengo kuu kwa kuwavaa Vipers hapa nchini Machi 7 na kati ya machi 18 na 19 itawavaa Horoya Fc hapa nchini na Machi 31 itafunga kampeni kwa kuvaana na Raja Casablanca ugenini nchini Morocco.

Mwaka huu Simba sc imejiwekea malengo ya kufika nusu fainali baada ya mwaka jana kutolewa na Orlando Pirates katika hatua ya robo fainali katika michuano ya kombe la shirikisho.