Ndemla Aongezwa Stars

Kocha Mkuu wa timu ya Taifa ya Tanzania (Taifa Stars) Hanour Janza amethibitisha kumuongeza Kiungo wa klabu ya Singida Big Stars Said Ndemla katika kikosi hicho kutokana na  kuongezeka kwa ubora wa kiungio huyo aliouonyesha kwenye timu yake siku za hivi karibuni.

Said Ndemla atajiunga timu ya taifa tayari kwa mechi mbili za kirafiki nchini Libya dhidi ya Uganda Septemba  24 na Libya Septemba 27 ambapo imepita muda mrefu tangu mchezaji huyo aitwe kikosini humo kwa mara ya mwisho.

Ndemla amekua na kiwango bora zaidi katika eneo la kiungo la klabu yake akifanikiwa kucheza mechi zote za ligi kuu msimu huu na kumshawishi kocha huyo wa Stars kutokana na kiwango hicho huku pia akiwa na mwendelezo mzuri tangu aondoke Simba sc na kujiunga na Mtibwa Sugar msimu uliopita.