Ninja Ana Ofa Kibao Mezani

Beki katili wa Yanga Abdalah Shaibu “Ninja” ambae mkataba wake na wanajangwani hao upo ukingoni tayari amewekewa ofa za kutosha na klabu mbalimbali sportsleo imebaini japo mpaka sasa anawasubiri waajiri wake wa zamani ili wazungumze kuhusu kuongeza mkataba.

Moja ya ofa iliyopo mezani ni kutoka zambia ambapo kuna klabu inamwania beki huyo kiraka mwenye uwezo wa kucheza nafasi ya kiungo mkabaji.Licha ya ofa hizo za nje ya nchi pia inadaiwa klabu za ndani nazo zinamwania benki huyo mrefu aliyesajiliwa kutokea Taifa Jang’ombe ya zanzibar.

Awali viongozi wa Yanga walimwambia beki huyo asubiri ili ripoti ya kocha Zahera wakabidhiwe ndipo wamuite kwa mazungumzo japo taarifa zinadai ndani ya ripoti hiyo jina la beki huyo limependekezwa libaki kukipiga jangwani na hii imechangiwa na umri na kujituma kwa beki huyo ambae mabao yake yaliiokoa Yanga isiangushe pointi dhidi ya biashara ya Mara na African Lyon.