Depay,Haaland wapiga Hat-tricks kufuzu Qatar 2022

Washambuliaji wa Uholanzi na Norway Memphis Depay na Erling Haaland wamezifungia timu zao za taifa mabao matatu kila mmoja na kuziweka katika nafasi nzuri ya kufuzu michuano ya kombe la dunia Qatar 2022 upande wa Bara la Ulaya.

Memphis aliifungia Uholanzi hat trick wakati timu ya taifa ikiishindilia Uturuki mabao 6-1,wakati Haaland yeye akiifungia Norway hat trick katika mchezo ambao uliishudia Norway ikishinda mabao 5-1 dhidi ya Gilbratar katika michezo ya kundi G.

Timu zote hizo mbili zina pointi 13 kila moja kwenye msimamo wa kundi G ambao unahusisha timu nyingine za Uturuki,Montenegro,Latvia na Gilbratar.

Washambuliaji hao wapo katika muendelezo wa viwango vizuri kwa timu zao za taifa na vilabu vyao katika upachikaji mabao.