Kaze Kutua Kaizer Chiefs

Kocha wa zamani wa klabu za Yanga sc na Namungo Fc Cedrick Kaze amepata ofa ya kujiunga na timu ya Kaizer Chiefs kama kocha msaidizi wa Nasredine Nabi aliyefanya nae kazi katika klabu ya Yanga sc.

Kaze amepata dili hilo baada ya kuhitajika na kocha mkuu Nabi na sasa wameshakubaliana kila kitu na mabosi wa klabu hiyo na kilichobaki ni kupata Viza ya kuishi nchini Afrika ya kusini tu.

Kaze baada ya kuachana na Yanga sc aliamua kujiunga na Namungo Fc kama kocha mkuu lakini hakudumu sana kutokana na kutopata matokeo mazuri na hatimaye kutimuliwa klabuni hapo.

Mabosi wa Kaizer Chiefs baada ya kutokua na matokeo mazuri kwa muda mrefu wameamua kufanya uwekezaji wa muda mrefu wakianza na benchi zima la ufundi kwa kuamua kumleta Nabi na kusajiri wachezaji wazuri kuunda kikosi hicho.

Kuungana kwa Nabi na Kaze kunatarajiwa kuleta matokeo chanya kama walivyokua Yanga sc ambapo walitwaa mataji mawili ya ligi kuu ya Nbc nchini.