Chama Aripoti Kambini Yanga Sc

Staa mpya wa klabu ya Yanga sc Cletous Chama hatimaye ameripoti kambini Avic Town na kuanza mazoezi na mastaa wapya wa klabu hiyo kujiandaa na msimu ujao wa ligi kuu baada ya kukamilisha usajili wake kutokea Simba sc.

Chama aliungana na mastaa wengine akiwemo Pacome Zouzoua katika mazoezi ya jioni wakianza na gym iliyopo kambini humo ambapo alipokelewa kwa furaha na mastaa wa timu hiyo yenye ndoto ya kufanya vizuri barani Afrika kwa msimu ujao wa ligi ya mabingwa.

Awali staa huyo alionekana akisaini mkataba mpya wa kujiunga na klabu hiyo akiwa hajavaa jezi yeyote ya Yanga sc na kuzua maswali lukuki kwa mashabiki kama wamemsajili kweli ama lah lakini tayari ameonekana rasmi mazoezini akiwa na jezi za klabu hiyo.

Yanga sc inatajwa kama timu ya kuogopa zaidi nchini kwa sasa kutokana na kuwa na kikosi kipana chenye mastaa wa nguvu wakiwemo Chama na Prince Dube ambao wamekuja kuiongezea makali safu ya ushambuliaji ya klabu hiyo.