Yanga Yapewa Kiporo

Hatimae baada ya kilio cha muda mrefu timu ya Yanga sc imekubaliwa ombi lake la kusogezwa kwa mchezo wa ligi kuu dhidi ya Mbeya city fc ili kupisha mchezo wa kimataifa dhidi ya Zesco fc utakaofanyika nchini Zambia.

Kwa mujibu wa taarifa iliyotolewa na bodi ya ligi inaonyesha kuwa mchezo huo uliokua ufanyike Septemba 18 jijini mbeya umeahirishwa na utapangiwa tarehe nyingine lengo ikiwa ni kuiapa nafasi timu hiyo ijiandae na mchezo huo wa marejeano utakaofanyika nchini humo.

Awali Yanga iliomba kusogezwa mbele kwa mchezo wa ligi dhidi ya Ruvu shooting ili kutoa nafasi kwa wachezaji kupumzika kufuatia kurudi nchini usiku wa manane wakitoka kucheza na Township Roller ombi ambalo lilikataliwa na bodi ya ligi hivyo kusogezwa mbele kwa mchezo huo ni kama nafuu kwa timu hiyo ambayo pia ina mchezo mgumu wa kimataifa ili kuhakikisha inafuzu hatua ya makundi.