Waziri atua Dodoma Jiji

Mshambuliaji wa zamani wa vilabu vya Mbao na Yanga Waziri Junior amejiunga rasmi na Dodoma Jiji kwa mkataba wa mwaka mmoja na nusu kuwatumikia watoza ushuru hao wa makao makuu ya nchi.

Mchezaji huyo ametambulishwa rasmi muda mfupi uliopita kupitia ukurasa rasmi wa timu hiyo wa Instagram mchana huu.

Waziri aliachwa na mabingwa wa hkihistoria nchini Yanga baada ya kumalizika kwa msimu uliopita,ambapo baadae inasemekana alipta ofa kutoka moja ya vilabu vya Tunisia lakini dili hilo halikufanikiwa.

Hivi karibuni aliipiga chini ofa ya Mtibwa sugar kutokana na sababu za kimaslahi pamoja na hali mbaya ya timu hiyo kwasasa kwenye msimamo wa ligi kuu soka ya NBC inayoendelea hapa nchini.

Kama atakuwa sawa kimwili huenda mchezaji akajumuishwa katika kikosi kitakachosafiri kuja Dar es salaam kukabiliana na waajiri wake wa zamani Yanga katika mchezo wa ligi utakaofanyika ijumaa.