Wabunge Wamshukia Amunike

Msafara wa wabunge wa Bunge la Jamhuri la Tanzania waliokua nchini Misri kwa ajili ya kuipa sapoti Timu ya Taifa ya Tanzania (Taifa stars) iliyokua ikicheza mechi ya kwanza michuano ya mataifa ya Afrika (Afcon) ilipovaana na Senegal siku ya jumapili.

Katika mechi hiyo ambayo Taifa stars ilipoteza kwa mabao mawili kwa bila yaliyofungwa na Keita Balde na Kipron Diatta,Stars ilizidiwa karibu katika kila idara na Senegali iliyokuwa na kikosi chenye wachezaji wengi wanaocheza barani ulaya.

Baada ya kufika katika Uwanja wa ndege wa JNA wabunge hao wakiongozwa na Spika Ndugai walionyeshwa kusikitika na kiwango mkibovu cha timu ya taifa ambapo Spika Ndugai aliahidi kuongeza bajeti ya michezo katika Bunge lijalo.

Abdala Bulembo (mb) yeye alimshushia lawama kocha Amunike kuwa hajui kufundisha mpira na kuifanya timu icheze mpira mbovu “Mheshimwa spika nisamehe naongea nilichokiona nawaambia Tff kwamba timu ya taifa inapocheza si dhamana ya kocha Amunike pekee ni ya nchi nzima..Kwa kweli hatukupata raha na bado unakutana nae kwenye ngazi unamsemesha hataki kuitikia”.

Huku Juma Nkamia akisisitiza kuwapo kwa tetesi za kocha huyo kuwa dalali wa baadhi ya mawakala wa soka hivyo kupanga kikosi kwa Upendeleo.