Tanzania Yapaa Viwango Fifa

Kufuatia shirikisho la soka duniani(Fifa) kutoa viwango vya mwezi oktoba timu ya taifa ya Tanzania imepanda viwango kwa nafasi mbili zaidi hadi 133 kutoka nafasi ya 135 ya mwezi Septemba.

Kupanda huko kwa Tanzania katika viwango vya soka duniani kunatokana na kufanya vizuri katika baadhi ya michezo ya kimataifa ikiwemo dhidi ya Burundi ambapo licha ya kutoa Sare ugenini ya mabao 1-1 na kufanikiwa kuibuka na ushindi katika mchezo wa pili hapa Dar es salaam kwa njia ya matuta baada ya sare ya 1-1 dakika tisini za mchezo.

Pia suluhu dhidi ya Rwanda katika mchezo wa kirafiki wa kalenda ya Fifa ugenini jijini Kigali pia ni moja ya vitu vilivyochagiza kupanda kwa Tanzania huku pia ikiingia tano bora za ukanda wa soka Afrika Mashariki na kati CECAFA, Uganda inaongoza ikifuatiwa na Kenya, Sudan, Rwanda na Tanzania.