Stars Waongezeka

Kaimu kocha mkuu wa timu ya taifa ya Tanzania(Taifa stars) Ettiene Ndayiragije ameongeza jina la beki wa Azam fc Oscar Masai katika kikosi cha timu hiyo kinachojiandaa na mchezo wa kimataifa wa kirafiki dhidi ya Rwanda oktoba 14 pamoja na ile ya michuano ya kufuzu fainali za mataifa ya Afrika kwa wachezaji wa ndani(Chan).

Beki huyo kijana aliyekua na timu ya taifa ya vijana(ngorongoro heroes) iliyofanikiwa kuibuka mabingwa wa michuano ya chalenji kwa vijana iliyofanyika nchini Uganda hivi karibuni ameitwa ili kupata uzoefu na kuongeza nguvu katika kikosi hicho.

Kuitwa kwa beki huyo kunafanya jumla ya wachezaji wa Azam fc kuwa watano katika timu ya taifa akiwemo Frank Domayo,Mudathir Yahaya,Salum Abubakari,Idd Seleman na Shaban idd Chilunda.