Solskjaer Kikaangoni

Kocha wa timu ya Manchester United Olle Gunnar Solskajaer anakabiliwa na hatihati ya kutimuliwa klabuni hapo endapo atapoteza mchezo wa ligi kuu dhidi ya Liverpool katika uwanja wa Old Trafford siku ya jumapili ya tarehe 20 mwezi huu.

Kocha huyo amekuwa na matokeo ya kusuasua ambapo alishindwa kuiongoza timu hiyo kupata ushindi katika mchezo wa ligi dhidi ya Newscastle united na kuifanya timu hiyo kushindwa kuibuka na ushindi katika michezo mitatu mfululizo ambapo imepoteza miwili dhidi ya timu za Westaham United na Newcastle ambazo ni timu za kawaida na kutoa sare dhidi ya Arsenal.

Imebainika kuwa bodi ya United bado ina imani na kocha huyo lakini kipigo cha idadi ya mabao mengi dhidi ya wapinzani wakuu wa klabu hiyo Liverpool kunaweza kubadili msimamo wa bodi hiyo juu ya kocha huyo ambaye mpaka sasa ameifanya timu hiyo ishike nafasi ya 12 ikiwa na pointi 9.