Timu ya Simba sc leo imeondoka nchini kwenda nchini Msumbiji kwenda kucheza na Ud Songo katika mchezo wa ligi ya mabingwa barani Afrika mchezo utakaopigwa siku ya kesho Jumamosi nchini humo.
Simba imeondoka na takribani mastaa wote wa kikosi cha kwanza huku ikitumia ndege maalumu ya kukodi ambayo itawasubiri kisha kuwarejesha nchini mara baada ya mchezo ili kuwahi maandalizi ya mechi ya kombe la ngao ya hisani dhidi ya Azam fc.
Katika kikosi hicho kilichotua uwanja wa ndege walionekana makipa Beno Kakolanya na Ally Salim huku mabeki Gadiel Michael,Pascal Wawa,Gerson Fraga,Shomari Kapombe na viungo Mzamiru Yassin huku Meddie Kagere na Wilker da Silver wakiongoza safu ya ushambuliaji.
