Shikalo,Molinga Hatihati Yanga

Wachezaji wapya wa Yanga sc Farouk Shikalo na David Molinga wapo kwenye hatihati ya kuikabili Township Rollers baada ya kutopata leseni kutoka shirikisho la soka barani afrika (Caf) inayowaruhusu kucheza michuano hiyo.

Akiongea na waandishi wa habari kaimu katibu mkuu wa klabu hiyo Dismas Ten alisema kutopatikana kwa vibali kwa wachezaji hao kumetokana na kuchelewa kukamilika kwa usajili wa wachezaji hao lakini wanatarajia leseni hizo kupatikana muda ndani ya muda mfupi uliobaki kutokana na mawasiliano yanayoendelea kati ya klabu hiyo na Caf.

Wengine watakaokosekana katika mechi hiyo ni Mustapha Selemani kutokana na kutopata leseni huku Juma Abdul na Andrew Vicent wakiwa na matatizo na uongozi kuhusu madai japo haijafahamika kama mkongwe Kelvin Yondani atashiriki kutokana na kutoshiriki mazoezi baada ya kuomba kupewa mapumziko mafupi.

Wachezaji hao ni miongoni mwa wachezaji wapya ambao klabu hiyo imesajili ili kuimarisha kikosi chake kwa ajili ya ligi kuu na michuano ya kimataifa ambapo leo jumamosi klabu hiyo itavaana na Township Rollers ya Botswana.