Ni Yanga vs Azam nusu fainali Mapinduzi

Miamba ya soka Tanzania Bara Yanga na Azam fc wanatarajia kumenyana katika mechi kali ya nusu fainali ya kombe la Mapinduzi inayoendelea visiwani Zanzibar.

Baada ya ushindi wa 5-1 dhidi ya Yosso Boys kwenye mchezo wa mwisho wa kundi A,Azam wamefikisha alama 9 kileleni hivyo kukutana na Yanga alimaliza kileleni mwa msimamo wa kundi B.

Mchezxo huo wa kukata na shoka wa derby ya Dar es salaam unatarajiwa kupigwa siku ya Jumatatu ya tarehe 10 majira ya saa 2:15 usiku.

Mastaa mbalimbali wa timu hizo ambao hawakucheza michezo ya awali wanatajwa kuwepo Zanzibar tayari kwa mtanange huo,huku Yanga ikiwapandisha meli hadi Zanzibar Bangala,Aucho na Ntibanzokiza kuonesha ni jinsi gani wanataka kutetea taji hilo walilolitwaa mwaka jana.

Mchezo mwingine wa nusu fainali utakuwa ni kati ya mabingwa wa soka Tanzania Bara Simba sc dhidi ya wauaji wa kusini Namungo fc.