Ndanda Kuivaa Yanga

Klabu ya Ndanda fc kutoka Mtwara kesho itakua uwanja wa Taifa jijini Dar es salaam kuivaa Yanga sc katika mchezo wa ligi kuu nchini.

Yanga watalazimika kuifunga Ndanda baada ya kukosa pointi nne katika mechi mbili ambazo walitoa droo dhidi ya Azam fc na Namungo hivyo kuweka rehani matumaini ya kumaliza katika nafasi mbili za juu ili kushiriki michuano ya kimataifa.

“Mchezo wetu wa kesho dhidi ya Yanga utakuwa mgumu. Yanga inahitaji pointi tatu baada ya kuzikosa kwenye mechi mbili zilizopita na sisi tunazihitaji kwa kuwa hatupo kwenye nafasi nzuri. Kama tutakosa pointi tatu tunahitaji tupate hata alama moja,” Alisema Meja mstaafu Abdul Mingange,kocha mkuu wa Ndanda FC akizungumzia mchezo wa ligi wa kesho dhidi ya Yanga.