Mwalala Anukia Yanga

Klabu ya Yanga ipo mbioni kumteua kocha wa timu ya Bandari fc ya Kenya Ben Mwalala kuwa kocha wa timu hiyo kuchukua nafasi ya Mwinyi Zahera ambaye amefungashiwa virago jana.

Mwalala ameiongoza Bandari kwenye hatua ya mtoano ya michuano ya kimataifa ya Caf japo hakufanikiwa kufuzu hatua ya makundi ya michuano hiyo huku akifanikiwa kuchukua tuzo ya kocha bora kwa msimu uliopita.

Tayari klabu ya Yanga imeanza mazungumzo na kocha huyo japo mwenyewe amekanusha kuhusiana na hilo huku akisitiza kuwa bado yupo na bandari akijiandaa na mchezo dhidi ya Western Estima.

Mwalala aliwahi kucheza soka katika klabu ya Yanga na kufanikiwa kushinda mataji mawili na klabu hiyo na alianza ukocha kwa mafanikio katika klabu ya Nzoia Sugar na kufanikiwa kuipandisha ligi kuu ya kenya na baadae kuhamia Bandari Fc.