Mwakinyo Buree

Bondia Hassan Mwakinyo ametangaza kutokua na kiingilio katika pambano lake la uzito wa juu dhidi ya bondia kutoka Ufilipino Arnel Tinampay litakalofanyika uwanja wa uhuru jijini Dar es salaam tarehe 29 mwezi huu.

Bondia huyo amesema hayo katika onyesho la wazi kwa ajili ya kutambulisha pambano ‘Face Off’ iliofanyika kwenye Viwanja wa Leaders jijini  Dar kuelekea kwenye pambano hilo la kibabe nchini.

“Kwanza nataka niwaambie Watanzania wote  kwamba tumeamua kufanya pambano hili bure baada ya kukubaliana na hili limefanyika kwa maslahi mapana  ya mchezo wenyewe, hivyo kikubwa tunawaomba wadau kujaza uwanja siku hiyo ili niweze kushinda kwa kuwa najua hatoweza kutoka,” alisema Mwakinyo.