Mwadui,Kagera Kama Kawa

”Kama kawa” ndo msemo rahisi sana kuusikia kijiweni kama mambo yakiwa yanaenda kama yalivyopangwa,Basi ndio ilivyokua katika mechi za kutafuta timu zitakazo shuka na kupanda ama kubaki ligi kuu(play off) ambapo timu za Mwadui ya shinyanga na Kagera sugar zimefanikiwa kubaki katika ligi kuu ya Tanzania bara baada ya kuibuka na ushindi katika mechi hizo za marudiano.

Kagera sugar iliwafunga Pamba kwa magoli 2-o kwa magoli ya Ally Ramadhani dk 51′ na Japhet Makalayi dk ya 71′ baada ya kuwa wamesuluhu katika mechi ya awali iliyocheza jijini Mwanza katika uwanja wa Nyamagana.

Pia Mwadui imefanikiwa kusalia ligi kuu baada ya kuwafunga Geita Gold Mine kwa magoli 2-1 huku shujaa akiwa ni Salim Aiyee ambae alifunga magoli mawili dakika ya 33 na 90 huku lile la Geita likifungwa na Baraka Jerome dakika ya 50.Katika mechi ya awali walitoka suluhu.

Hivyo kutokana na matokeo haya bila shaka Kagera Sugar na Mwadui tutaendelea kuwaona katika ligi kuu mwakani huku Geita na Pamba wakiendelea kusalia ligi daraja la kwanza.