Mastaa Harambee Stars Kutua Misri

Mastaa wanaocheza soka katika klabu za ulaya wanatarajiwa kuungana na wenzao katika kikosi Harambee stars kilichopo nchini Misri kwa ajili ya mchezo wa kuwania kufuzu michuano ya mataifa ya Afrika zitakazofanyika nchini Cameroon mwaka 2021.

Orodha ya mastaa hao watakaoungana na wenzao nchini humo ni staa wa Tottenham Victor Wanyama,Harun Shakava wa Nkana FC nchini Zambia, Michael Olunga wa Kashiwa Reysol kutoka Japan, Ayub Timbe wa Beijing Renhe FC nchini Uchina.

Baadhi ya mastaa kama Kipa Patrick Matasi anayecheza soka ya kulipwa nchini Ethiopia pamoja na mabeki Joseph Okumu na Eric ‘Marcelo’ Ouma kutoka nchini Uswidi, ndio walisafiri na kundi la Stars lililoondoka Nairobi.

Harambee wanakabiliwa na mchezo mgumu hapo kesho dhidi ya Misri huku watakuwa wenyeji wa Togo katika mchuano wa pili uwanjani MISC Kasarani, Nairobi. Mchuano huo utachezwa Novemba 18.