Kichuya Aibukia Misri

Baada ya sintofahamu ya muda mrefu hatimaye kiungo mshambuliaji wa zamani wa Simba sc Shiza kichuya amejiunga na timu ya Pharco fc inayoshiriki ligi daraja la kwanza nchini Misri kwa mkataba wa miaka miwili.

Kichuya aliondoka Simba sc kwa dau la shilingi 196 milioni kujiunga na timu hiyo ambayo ilimtoa kwa mkopo wa miezi sita kwenda ENPPI ambayo inashiriki ligi kuu nchini humo.

Kichuya alilazimika kurudi nyumbani baada ya kandarasi hiyo ya mkopo kumalizika akisubiri kusaini mkataba mpya rasmi wa kujiunga na timu hiyo ambayo iliweka kipengele hicho katika makubaliano ya awali na sasa rasmi kichuya amekamilisha usajili huo wa kukipiga ligi hiyo ya pili kwa ukubwa nchini humo baada ya ligi kuu.

Pharco ni timu inayopatikana katika mji wa Alexandria nchini humo na ilianzishwa rasmi mwaka 2010 ikifundishwa na kocha Rui Aguas.