Katumbi Kuinunua Anderletch

Tajiri wa Madini na Rais wa klabu ya TP Mazembe Moise Katumbi ameripotiwa kuwa na mpango wa kununua hisa ndani ya klabu ya Anderlecht inayoshiriki  ligi kuu ya soka nchini Ubeligiji .

Mfanyabiashara huyo mkubwa kutoka  Drc  Congo ndie anayeipa jeuri klabu ya Tp Mazembe na hivi karibuni alichaguliwa kuingia katika kamati ya kimkakati ya FIFA . Lakini pia amekuwa ndani ya kamati ya masoko ya CAF tangu mwaka 2009 .

Tajiri huyo mwenye miaka 55 tayari ameshafanya biashara na maofisa wa klabu hiyo katika usajili wa wachezaji kadhaa japo mpaka sasa maofisa wa Anderletch hawajasema chochote kuhusu suala hilo.

Taarifa kutoka Ubeligiji zinasema kwamba mashabiki wa Anderlecht wamefurahishwa na taarifa hasa kutokana na uwezo wa kifedha wa Katumbi .