Kagere Akata Miwa Kagera

Mshambuliaji hatari wa Simba sc Meddie Kagere amemaliza ubishi wa kocha wa Kagera sugar Mecky Mexime baada ya kuisaidia Simba kuibuka na ushindi wa mabao 3-0 dhidi ya Kagera sugar mchezo uliofanyika katika uwanja wa Kaitaba mjini Kagera.

Ilimchukua Kagere dakika 4 kuandika bao la kwanza baada ya kupasiana vyema na wenzake huku Mohamed Hussein akifunga bao la pili dakika ya 35.

Kiwango kizuri kilichoonyeshwa na mbrazil Gerson Fraga kiliwafanya Simba watawale eneo la kiungo na kuwapa tabu viungo wa kagera hali iliyoisaidia simba kupata bao la tatu kwa penati baada ya Miraji Athuman kuangushwa ndani ya eneo la hatari dakika ya 78 na Kagere kupeleka kilio kwa mexime.

Ibrahim Ajibu alishindwa kumalizi mchezo baada ya kuumia na nafasi yake kuchukuliwa na Hassan Dilunga dakika ya dakika ya 71.

Huo ni mchezo wa kwanza kwa Kagera sugar kupoteza baada ya kushinda michezo yote mitatu ya awali huku simba nao wakishinda mchezo wa tatu mfululizo.