Kadi Ya Son Yafutwa

Shirikisho la soka la nchini Uingereza(Fa) limeifuta kadi nyekundu aliyopewa mchezaji wa timu ya Tottenham Hotspurs Son Heung-min baada ya kujiridhisha kuwa kuwa mchezaji huyo hakumgusa mchezaji wa Everton Andre Gomes katika tukio lililosababisha staa huyo kuvunjika mguu.

Adhabu hiyo imefutwa baada ya klabu ya Tottenham kukata rufaa kufuatia kadi hiyo ambayo ingemlazimu staa huyo kukaa nje akitumikia adhabu ya kukosa mechi tatu.

Faulo hiyo ilimuweka matatani kiungo huyo wa Everton baada ya kuvunjika mguu ambao ameshafanyiwa operasheni ambayo imekua na mafanikio makubwa japo atalazimika kukaa hospitali kwa wiki kadhaa.

Picha za video zimeonyesha Son kutomgusa staa huyo na bali Serge Aurier ndie aliemkanyaga na kumvunja mguu na tayari Son ameshafanyiwa matibabu ya kisaikolojia ili aweze kucheza mechi zijazo.