Jezi za Yanga Zageuka Dili Zambia

Jezi za timu ya Yanga ambayo leo itatupa karata yake katika mchezo wa kutafuta nafasi ya kufuzu hatua ya makundi ya michuano ya klabu bingwa barani Afrika dhidi ya Zesco United ya zambia zimegeuka dili baada ya kugombaniwa na mashabiki mbalimbali.

Timu hiyo ambayo iliingia mapema nchini humo mpaka jana ilikua imeuza jezi 420 kwa mashabiki nchini humo mauzo ambayo yanaweza kuvunja rekodi ya nchini Botswana walipouza jezi takribani 500 katika mchezo dhidi ya Township Rollers.

Mashabiki mbalimbali wamekua wakizigombea jezi hizo kiasi cha kuwafanya wasambazaji wa jezi hizo kampuni ya Gsm kujipanga zaidi kimataifa endapo timu hiyo itaingia hatua ya makundi.

Yanga inakabiliwa na mchezo mgumu dhidi ya Zesco jioni ya leo na inatakiwa kushinda ili isonge mbele ama kutoa sare ya kuanzia mabao 2.