Guardiola Aibuka Mbabe Kwa Lampard

Kocha wa timu ya Manchester city Pep Guardiola ameibuka mshindi mbele ya kocha wa Chelsea Frank Lampard baada ya kuongoza timu yake kuibuka na ushindi wa mabao 2-1 dhidi ya Chelsea katika mchezo wa ligi kuu jana.

Chelsea walianza kupata bao kupitia kwa Ngolo Kante dakika ya 21 bao lililpdumu kwa dakika nane ambao Kelvin De Bruyne alisawazisha huku Riyad Mahrez akiongeza bao la pili dakika ya 37 na kufanya mechi kwenda mapumziko huku Man city wakiongoza matokea ambayo yalidumu mpaka mwisho wa mchezo licha ya kosa kosa za hapa na pale.

Hii ni mara ya kwanza katika michezo 381 ya ukocha wake, Pep ameshinda mechi kwa kuzidiwa umiliki wa mpira. Chelsea walimiki mpira 53.3% huku City wao wakimiliki kwa 46.7% .

“Siku zote kuna jambo moja katika maisha yako ambalo halijawahi kutokea, sawa limetokea (Jana), nina rekodi nyingine, nimeshinda mchezo mmoja bila umilki mzuri wa mpira. Ni timu nzuri wana Kante, Kovacic, Jorginho, kwa hiyo inaweza kutokea.” alisema Pep.